Veggisbloggen

Veggisbloggen

***

Mange skulle ønske dei spiste mindre kjøtt. Andre har lyst til å slutte heilt. Denne veggisbloggen er meint som inspirasjon til deg som lurer på korleis ein kan lage smakfulle og mettande rettar av grønsaker, linser, nøtter, ris, pasta, bønner. Kort sagt all mat som ikkje inneheld noko som tidlegare har breka, rauta, kykkelikya eller grynta. Selamat makan!

Veggisbloggen er medlem av Matbloggsentralen

Du finn også Veggisbloggen på Twitter, Bloglovin og Facebook

Har du spørsmål eller innspel, send e-post til veggisbloggen@gmail.com
Har du lyst til å kjøpe kokeboka "Matmisjonen - ekte mat fra ti bloggere" som Veggisbloggen er med i? Klikk her

Vegetarisk julemat

Vegetarisk julematPosted by Mari-Louise Uldbæk Stephan 16 Dec, 2012 17:29

Det er ei velkjend sak at kjøtforbruket går kraftig opp i jula for dei aller fleste nordmenn. Men har du kanskje tenkt at det hadde vore greit å jekke det litt ned? Eventuelt er du kanskje vegetarianar sjølv og leiter etter gode rettar å fylle jula og romjula med?

Eg har samla linkar til bra stader der du kan finne julematinspirasjon. I tillegg legg eg ut oppskrifta på den fabelaktige nøttesteiken som eg skal ete på julaftan. Dessverre har eg ikkje bilde av den her enda, fordi eg ikkje skal lage den før på vesle julafta.

Håpar desse sidene kan vere til nytte, og har du andre tips, er det berre å legge igjen ein kommentar i kommentarfeltet.

Bra vegetarjulematlinkar:

BBC har ei flott nettside med mange oppskrifter ein kan prøve i julehøgtida, mellom anna pai, supper og patear.

Channel 4 har oppskrifter på mellom anna nøttesteik, salatar, frittata, couscousgryte, risotto og fylt løk.

Good Food Channel har også fine oppskrifter. Her er det mellom anna oppskrifter på terter, strudel, børek og risrettar.

Delicious Magazine har ikkje ei eiga vegetarisk juleside, men mange vegetariske oppskrifter dersom ein søker på dette i arkivet.

Vegetarbloggen har mange bra juleoppskrifter. Her er det både småkaker, dessertar og nøttesteik.

Og så var det min julemiddag;

Nydeleg nøttesteik

Klassikaren nøttesteik har også blitt ein juleklassikar for meg. Det finnast mange tørre og kjedelige variantar, men denne nøttesteika er både saftig og smakfull. Passar også supert om du skal ha veggisar på besøk til nyttårsmiddagen.

1 lauk

2 fedd kvitlauk

4 sopp

2 stilkar stangselleri

1 fenikkel

200 gram valnøtter

200 gram pekannøtter

200 gram cashewnøtter

1 kopp grønsaksbuljong

1 kvast fersk timian

1 teskei paprikapulver

100 gram cheddar

1,5 dl raudvin

2 spiseskeier konjakk

2 egg

salt og pepar

* Sett ovnen på 180 grader.

* Skjer opp lauk, kvitlauk, stangselleri, fenikkel og sopp og surr det i ei steikepanne med litt olje.

* Mal nøtter og ost i foodprosessor.

* Bland nøtter, ost saman med det i panna, samt resten av ingrediensane.

* Rør rundt og la blandinga stå i 15 minutt.

* Smør ei brødform og ha alle ingrediansane i.

* Sett nøttesteiken i ovnen i om lag ein time.

* Servér med poteter og rabbestabbe, eventuelt med heimlaga potetmos og steikte grønsaker (olje, lauk, squash, paprika, salt, pepar)

  • Comments(0)//veggis.samaraga.com/#post134

Havrekjeks med hasselnøtter, kokos og Firkløversjokolade

Brødbakst og co.Posted by Mari-Louise Uldbæk Stephan 09 Dec, 2012 16:51
I dag fekk eg lyst til å lage noko godt. Noko som vi kan kose oss med til kaffien i vekene fram mot jul. Valet falt på havrekjeks med sjokoladebitar. Oppskrifta er ei blanding av ulike oppskrifter som eg har googla meg fram til og resultatet vart ypperleg. Smakar også nydeleg til eit glas kald mjølk!





100 gram smør eller Bremykt

200 gram mjøl

1 teskei bakepulver

1 teskei salt

1 teskei kanel

1 teskei kardemomme

200 gram sukker

2 egg

2 spiseskeier vatn

100 gram Firkløversjokolade

50 gram hasselnøtter

100 gram havregryn

2 spiseskeier kokosmasse

* Sett ovnen på 175 grader.

* Smelt smøret i ei gryte på middels varme.

* Rør i grya undervegs.

* Kok smøret litt til slik at det skummar.

* Rør rundt kontinuerlig slik at du ser kva som foregår under skummet.

* Etter ei lita stund vil brune bitar danne seg i smøret og det får ei nøtteaktig lukt.

* Ta smøret av panna når det er brunt, men ikkje brent.

* Hell blandinga i ei skål og la det avkjøle.

* Bland saman mjøl, bakepulver, salt, kanel og kardemomme i ein bolle.

* Bland sukker og smørblandinga i ein annan bolle.

* Visp saman med ein handmiksar i nokre minutt.

* Tillsett egg.

* Bland mjølblandinga inn i egg-, smør- og sukkerblandinga med ei sleiv.

* Tilsett vatnet for å få ei smidig deig.

* Tilsett havregryn, kokos og opphakka sjokolade og nøtter.

* Dekk ei plate med bakepapir.

* Ha deigen i klattar på bakepapiret (ca. to spiseskeier).

* Husk å ha eit godt mellomrom mellom dei sidan dei utvidar seg i ovnen.

* Steik kjeksa i ca. 10 minuttar.

* Ta ut brettet og la kjeksa kvile på brettet i ca. tre minuttar.

* Legg dei forsiktig over på ei rist.

* La dei avkjøle før du et dei.

* Oppbevar resten i ei lufttett boks.

  • Comments(0)//veggis.samaraga.com/#post133

Dagens blogganbefaling: Mat på bordet

Mine favorittbloggarPosted by Mari-Louise Uldbæk Stephan 08 Dec, 2012 17:51

I dag er det tid for ei blogganbefaling. Eg har nemlig byrja å lage eltefritt brød.

Det tek litt tid frå start til ferdig brød, men du treng jammen ti ikkje gjere spesielt mykje sjølv. Og resultatet er rett og slett nydeleg. Luftig og saftig inni, men med ei sprø og god skorpe. Gå til innkjøp av ei gryte du også og test ein av dei over 50 variantane av eltefritt brød som du finn hos Mat på Bordet !

  • Comments(0)//veggis.samaraga.com/#post132

Ratatouille

GryterettarPosted by Mari-Louise Uldbæk Stephan 04 Dec, 2012 15:07

Ratatouille smakar nydelig med villris eller heimlaga potetmos. Om du et restane dagen etter at du har laga den, så smakar den enda betre!

Ein stor lauk
2 stenger selleri
1 kvitlauksfedd
200 gr. squash
150 gr. rå potet
200 gr. raud paprika
1 boks hakka tomatar
1 dl. olivenolje
2 ss. tomatpuré
2 ss. soyasaus
2 ts. timian
salt og pepper etter smak

* Skjer grønnsakene (ikkje tomatene) i små terningar.

* Steik dei porsjonsvis etter grønsakstype i olje i ei panne.

* Krydre med salt og pepar under fresinga.

* Hell dei stekte grønsakene i ei eiga gryte etter kvart.

* Ha i tomatane og litt meir olje.

* Smak til med salt, pepar og timian før servering.

  • Comments(0)//veggis.samaraga.com/#post131

Pai med artisjokk og brokkoli

PaiPosted by Mari-Louise Uldbæk Stephan 25 Nov, 2012 18:44

No er det lenge sidan vi har hatt pai til middag, så no var det på tide å pønske ut ein ny variant. Eg prøvde meg på ein artisjokk- og brokkolipai. Det viste seg å vere stor suksess!



Deigen
250 gram kveitemjøl
100 gram plantemargarin eller Bremykt
ca. 2/3 kopp kaldt vatn

* Bland mjøl og salt og smuldre smøret.
* Tilsett vatn elt saman til deigen er smidig.
* Legg deigen i kjøleskapet i ca. 30 minutt.
* Sett ovnen på 200 grader.
* Kjelv ut deigen og ha den i ei paiform.
* Prikk i botnen med ein gaffel.
* Steik botnen i eit kvarter.

Fyllet
1 liten brokkoli
1 stk. vårlauk

1 boks artisjokkhjerter
1 boks mager kesam
3 økologiske egg

1 dl mjølk
oregano

majoram

salt

pepar
nok ost til å dekke toppen av paien

* Skjer opp vårlauk og brokkoli.

* Sil væska av artisjokkhjerta, trykk lett ut vatnet som er inne i dei slik at paien ikkje blir blaut.

* Skjer artisjokkane i to på tvers.
* Bland saman med egg, mjølk, kesam og krydder.

* Bland saman grønsakene og eggeblandinga.

* Høvl ost og dekk toppen med det.
* Ha fyllet i paiforma og steik i ca. 30 minutt.


Servér gjerne med ein tomatsalat.

  • Comments(0)//veggis.samaraga.com/#post130

Varmande vintergryte

SupperPosted by Mari-Louise Uldbæk Stephan 18 Nov, 2012 15:09
Vi er midt i november. Her i Bergen er det stortsett kaldt og surt slik som det brukar å vere på denne tida av året. Då passar det bra med ei fyldig grønsaksgryte. I denne har eg brukt mange grønsaker, men det er sjølvsagt ikkje krise om du manglar ein eller to av dei.

1 lauk


1 teskei kanel

1 teskei spisskummen

1 teskei paprikapulver

1/2 teskei kayennepepar

1 raud chili


2 fedd kvitlauk

2 gulrøter

1 stangselleri

1/2 paprika

4 poteter

1 søtpotet

1 stor squash

2 tomatar

spinat eller grønkål

2 koppar vatn

1 grønsaksbuljong

1 boks kokosmjølk

1 liten blomkål


2 teskeier sukker

salt

pepar

sitron

* Skjer opp alle grønsakene i terningar.

* Varm litt olje i ei gryte.

* Ha i lauk.

* Surr lauken i eit par minuttar.

* Tilsett krydder og la det surre eit par minuttar til.

* Tilsett resten av grønsakene i gryta.

* Ha i vatn, buljong og kokosmjølk.

* La det putre på middels varme under lokk i 15 til 20 minuttar.

* (Sjekk at potetene er møre.)

* Ha i to teskeier sukker .

* Smak til med salt, pepar og sitron.

  • Comments(0)//veggis.samaraga.com/#post129

Pasta med paprika- og cashewnøttsaus

Pizza og pastaPosted by Mari-Louise Uldbæk Stephan 12 Nov, 2012 10:08

I dag er det kjøttfri mandag. Med andre ord ei glitrande moglegheit til å prøve ut ein ny og spanande vegetarrett :-)

2 lauk

4 fedd kvitlauk

4 paprika

1 kopp cashewnøtter

2 kopper heilmjølk eller fløte

parmesan

fersk persille

Sett ovnen på 200 grader.

Skjær paprikaen i tre eller fire delar, etter lengda.

  • Fjern frøa i midten.
  • Legg paprikabitane utover ei bakeplate med aluminiumsfolie.
  • Trykk dei litt ned slik at de blir flatast mulig.
  • Grill paprikaen til skinnet blir svart.
  • Legg paprikabitane i ein plastikkpose i fem minutt.
  • Dampen vil gjere det lettare å flå av skinnet.
  • Flå av skinnet på paprikaen og mos den i ein blender eller ein food prosessor.
  • Tilsett cashewnøtter kjør maskinen et par minutter.
  • Kok opp pasta.
  • Skjer opp løk og hvitløk.
  • Steik det i ei panne med litt olje.
  • Tilsett paprika- og cashewblandinga.
  • Sett plata på middels varme.
  • Rør inn mjølka.
  • Smak til med salt og pepar.
  • Strø over parmesan og fersk persille.


  • Comments(0)//veggis.samaraga.com/#post128

Grove eplemuffins

Brødbakst og co.Posted by Mari-Louise Uldbæk Stephan 10 Nov, 2012 12:56
Norske epler smakar herleg, og heldigvis er dei framleis i sesong. I dag brukte eg eple i nokre saftige muffins av den grove sorten. Slike grove muffins smakar supert som lunsj i helga eller kanskje som kveldskos på ein mørk og trist kvardag. Kombinasjonen havregryn, peanøttsmør, eple, banan, kanel og rosiner viste seg å vere kjempegod og smakar ypperleg med aprikosmarmelade eller berre godt med smør på toppen.

Til ca. 8 store muffins

1 kopp kveitemjøl

1 kopp sammalt grovt kveitemjøl

1/2 kopp havregryn

2 teskeier bakepulver

3 teskeier kanel

1/ 2 teskei salt

2 små norske epler

1 banan

1/2 kopp blautlagte rosiner

2 egg

1 kopp mjølk

1 teskei peanøtter

1 spiseskei valnøttolje eller anna vegetabilsk olje

* Sett ovnen på 180 grader.

* Kok opp vatn.

* Legg rosinene i det varme vatnet.

* Bland saman mjøl, havregryn, kanel, bakepulver og salt.

* Bland saman mjølk, egg og peanøttsmør i ein anna bolle, visp det saman med gaffel eller miksar.

* Skrell epla og kutt dei i bitar.

* Skjer opp bananen.

* Hell av vatnet frå rosinene.

* Bland eple, banan og rosiner i mjølblandinga.

* Tilsett mjølkeblandinga.

* Ha i oljen.

* Bland saman røra.

* Fordel blandinga i muffinsformer.

* Steik muffinsane i om lag 20-25 minutt, alt etter kor store dei er.

* Prikk gjerne med tannpirkar eller kakepinne for å sjå om dei ei gjennomsteikte.

* La de avkjøle på ei rist.

* Servér med smør og syltetøy.

  • Comments(1)//veggis.samaraga.com/#post127

Legg ned pelsnæringa!

bloggbloggPosted by Mari-Louise Uldbæk Stephan 05 Nov, 2012 19:30

Foto: Nettverk for dyrs frihet

I desember 2002 gjekk eit samla Storting inn for at pelsdyrnæringa skulle få ein frist på ti år til å rydde opp. Klarte de ikkje det, måtte næringa avviklast. No nærmar det seg snart denne tiårsdagen. Og kva har skjedd? Dessverre sørgeleg lite.

For eit par veker sidan viste NRK videoar av vanskjøtte dyr på pelsdyrfarmar rundt om i landet. Dokumentasjonen blei henta inn av Dyrebeskyttelsen Norge og Nettverk for dyrs rettigheter, som i sommar reiste rundt på 24 norske pelsdyrfarmar. Igjen kom det fram at dyr har ubehandla sår, mistar delar av føter og skadar kvarandre i dei små bura. Og igjen kom det bortforklaringar frå næringa om at det berre er snakk om nokre uheldige enkelthendingar, at næringa har skjerpa seg, og at regelverket er stramma inn.

Dei har rett i ein ting, nemleg at regelverket er skjerpa. I fjor vinter blei det innført reglar som gjer at bønder som står bak lovbrot kan nektast pelsdyrhald. Men som NRK har påpeikt, har ikkje Mattilsynet brukt denne bestemmelsen. Då hjelper det lite med eit strengt lovverk.

Stadig flere parti i Noreg går inn for å avvikle pelsdyrnæringa. Politikarame innser at dagens situasjon ikkje er holdbar og at avvikling er den einaste fornuftige løysinga. Det er berre Senterpartiet som verkelig står i bresjen for at denne distriktsnæringa må oppretthaldast.

Med alle avsløringane som har kome, verkar forsvaret av pelsdyrnæringa som ein krampaktig kamp armert med dårlege argument. I Dagsnytt Atten fekk senterparti-mann og landbruksminister Trygve Slagsvold Vedum spørsmål om kvifor det var så viktig å oppretthalde denne næringa. Svaret var først at «dette er en næring med lange tradisjoner». Deretter påpeikte han at Skandinavias pelsoppdrett er mykje betre enn i andre delar av verda. Dette er ikkje gode argument for å oppretthalde ei næring som held rovdyr i bur under lite tilfredstillande forhold.

Statsstøtta til pelsdyrnæringa er i 2012 på 44 millionar kroner. Norsk pelsdyrnæring omfattar cirka 300 pelsfarmar og dei fleste oppdrettarane har det som biinntekt. Bruk heller desse midlane til å skape andre, meir fremtidsretta arbeidsplassar i distriktet som Noreg kan vere stolte av.

10. november vert det arrangert fakkeltog mot pels i både Oslo, Bergen, Trondheim, Stavanger, Ålesund, Bodø og Tromsø. Sjekk ut Facebook-sida for meir info.

Ønskjer du meir info om pelsnæringa i Noreg? Her er linkar til meir info:

Dyrevernalliansen

Dyrebeskyttelsen

NOAH

  • Comments(0)//veggis.samaraga.com/#post126

Kokebokanbefaling: Pure vege

Mine favorittbloggarPosted by Mari-Louise Uldbæk Stephan 04 Nov, 2012 20:56

I dag kom eg over ein veldig flott veggisblogg. Oppskriftene er hovudsakleg indiskinspirerte, og fotografia er utrulig inspirerande. Lista over fristande søtsaker er også fyldig og fin.

Lakshmi har lagt opp bloggen sin på ein litt original måte. Ho har mellom anna laga postar om krydder, der ho fortel kva krydder ho brukar, kva det er og korleis ho brukar dei. Den finske kokken, fotografen og bhakti-yogaen har også komponert ulike menysamansetningar, slik som denne haustlunsjen. Ein god idé som eg vil ta med meg vidare.


Sjekk ut: Pure Vegetarian by Lakshmi

  • Comments(0)//veggis.samaraga.com/#post125

Linsecurry med kokosmjølk

IndiskPosted by Mari-Louise Uldbæk Stephan 01 Nov, 2012 10:10

I dag er det verdas vegandag! Eg feirar det med ein av mine favorittveganmiddagar:-)


1 lauk

2 fedd kvitlauk

5 cm ingefær

1 teskei koriander

1 teskei spisskummen

1 teskei gurkemeie

1 teskei salt

1 liten chili med frø.

1 aubergine

1 1/2 kopp raude linser

olje

ei boks kokosmjølk


* Legg linsene i ein bolle med vatn minst tre timar før du skal lage middag.

* Skjer opp lauk, kvitlauk, chili og ingefær.

* Surr det i panna med litt olje.

* Tilsett krydder.

* Skjer opp auberginen. Strø på litt salt.

* La auberginebitane stå i 10 minutt.

* Tørk så av veska som kjem ut.

* Tilsett aubergine, kokosmjølk og linser i panna.

* La det putre i 15 minutt. Tilsett to glas vatn og rør godt.

* Servér med ris.

  • Comments(0)//veggis.samaraga.com/#post124

Ferske vårrullar med chilipeanøttsaus

Thai og vietnamesiskPosted by Mari-Louise Uldbæk Stephan 27 Oct, 2012 18:16
Du har sikkert smakt friterte vårrullar, men har du smakt ferske? Vårrullar som ikkje er steikt i olje egnar seg veldig godt som forrett eller som ein herleg helgelunsj. Skjer grønsakene i så tynne skiver som mogleg, då er det lettast å forme vårrullane.



Til risnudlane:

1 gulrot

1/2 squash

1/2 purre

5 cm fersk ingefær

ein handfull ferske bønnespirer

1 egg


100 gram risnudlar

8 stk rispapir til vårrullar

Til sausen:

1 teskei peanøttsmør

1/2 teskei sambal oelek (malaysisk chilisaus)

1 fedd kvitlauk, kuttta smått

1 spiseskei vatn

1 spiseskei sojasaus

1 teskei sukker


* Legg risnudlane i varmt vatn i ca. 30 minuttar.

* Legg bønnespirene i kokande vatn i fem minuttar.

* Kutt opp grønsakene i tynne strimlar.

* Kutt ingefær så smått som du kan.

* Varm ei panne på middels varme med litt olje.

* Lag eggerøre av egget (Tilsett gjerne ei spiseskei vatn og litt salt.)

* La eggerøra avkjøle og skjer den i striper.

* Legg eit og eit rispapir i ei djup skål med kokvarmt vatn i ca. 20 sekund.

* Legg rispapiret på ei fjøl og legg grønnsaksfyll, ingefær og risnudlar i midten.

* Fold kanten over fyllet, fold inn sidene og rull den saman så stramt som mogleg.

* Gjenta same prosedyre med resten.

* Legg dei på ein tallerken med eit fuktig kjøkkenhåndkle over heilt til du skal spise dei.

* Hakk opp kvitlauken og bland saman ingrediensane til sausen i ei skål.

  • Comments(0)//veggis.samaraga.com/#post123

Blogganbefaling: My new roots

Mine favorittbloggarPosted by Mari-Louise Uldbæk Stephan 21 Oct, 2012 21:28
I dag har eg funne ein ny blogg som eg gladeleg kan legge til i lista over favorittbloggar. Det kan hende at du kjenner til den (,bloggen har nemleg over 24.000 tilhengarar på Facebook), men eg hadde altså ikkje høyrt om "My New Roots" før.


Kvinna bak bloggen er vegetarkokken Sarah Britton som for tida jobbar for Noma sitt testkjøkken i København. Bilda ho tek er ekstremt flotte og oppskriftene ser veldig spennande ut. Kva med å teste ut quinoa-sushi, rabarbra- og aprikosmuffins, grønnkålschips eller kanskje søtpotet-hummus?

My New Roots

  • Comments(0)//veggis.samaraga.com/#post122

Scones og te

Brødbakst og co.Posted by Mari-Louise Uldbæk Stephan 20 Oct, 2012 14:31
Heimbakst er alltid godt. Det luktar godt. Det smakar godt. Det får meg til å smile. I helgane brukar vi av og til å lage scones til frukost. Det tek ikkje meir enn 20 til 25 minuttar å lage dei, og dei smakar supert med eit godt lag smør, litt syltetøy og ein kopp te til.


250 gram kveitemjøl

1 dl vatn

1 dl mjølk

2 ts bakepulver

30 gram smør

1/2 teskei salt

* Sett ovnen på 200 grader.

* Ha mjøl, salt og bakepulver i ein bolle.

* Skjer smøret i terningar og kna det inn i mjølet.

* Ha mjølk og vatn i eit målebeger.

* Ha i nesten all væska i mjølblandinga.

* Bland forsiktig inn.

* Ta i siste skvetten med mjølk og vatn dersom deigen treng det.

(Her er det viktig at du ikkje eltar for mykje for då blir bakverket tungt og hardt.)

* Dryss mjøl på benken.

* Trykk deigen flat med fingrane.

* Ta fram ein kopp og dypp det i mjølposen slik at mjølet sitt fast rundt kanten.

* Stikk ut sirklar med koppen.

* Legg sirklane på ei bakeplate.

* Skjer eit kryss på toppen av sirklane utan å skjere heilt gjennom.

* Pensl sirklane med mjølk.

* La dei steike i ca. ti minuttar eller til dei er gyldne.

  • Comments(0)//veggis.samaraga.com/#post121

Stekt rødbet og brokkoli med ost og bulgur

I pannaPosted by Mari-Louise Uldbæk Stephan 14 Oct, 2012 19:19
Rødbet er ei herleg grønsak. Særleg når den blir bakt i ovnen. Retten med bulgur,ost og brokkoli passar bra til både middag og lunsj. Om du ønskjer kan du forhåndssteike rødbetene dagen før du lagar rettent. Då har du middag på 15 minuttar.

Til to personar:

4 små rødbeter eller tre store

1/2 brokkoli

1 purreløk

evnt. grønnkål

2 spiseskeier sesamfrø

50 gram kvitost


2 dl bulgur (gjerne den med ingefær og graskarkjerner)

4 dl vatn


salt

pepar

* Varm ovnen på 200 grader.

* Legg rødbetane i ei ildfastform og hell over olivenolje.

* La rødbetane bakast i ovnen i ca. 45 minuttar.

* La dei avkjøle.

* Ha bulgur og vatn i ei gryte.

* La det småkoke i ti minuttar.

* Skjer opp brokkoli, purreløk og grønnkål.

* Skrell rødbetene og skjer dei også i bitar.

* Skjer opp osten i små bitar.

* Varm opp ei banne med litt olje.

* Steik grønsakene i panna i fem minuttar.

* Strø over sesamfrø og ostebitar.

  • Comments(0)//veggis.samaraga.com/#post120

Asiatisk graskarsuppe

SupperPosted by Mari-Louise Uldbæk Stephan 10 Oct, 2012 11:04

Graskar får ein nydelig konsistens i suppe, spesielt når den blandast med kokosmjølk.

Til fire personar:

1 spiseskei olje

1 lauk

1 kg graskar

2 boksar kokosmjølk

2 teskeier sambal oelek (malaysisk chilisaus)

2 teskeier koriander

2 spiseskeier fiskesaus (kan byttast ut med ein lys soyasaus)

1 lime

* Varm opp ei panne med olje.

* Skjer opp løken og steik den i eit par minutt.

* Skjer opp graskaret, ta av skalet og frøa inni.

* Ha graskar og kokosmjølk saman med løken.

* Tilsett koriander, sambal oelek, lime og fiskesaus.

* Kok opp, skru så ned varmen og la det putre med lokk i 15 minutt, eller til graskaret er gjennomkokt.

* La blandinga avkjølast i 10 minutt.

* Bland det i foodprosessor i eit par minutt.

* Kok suppa opp igjen slik at den blir varm.

  • Comments(0)//veggis.samaraga.com/#post119

Søtt og saftig graskarbrød

Brødbakst og co.Posted by Mari-Louise Uldbæk Stephan 07 Oct, 2012 18:36
Oktober er definitivt sesongen for graskar. Eg har allereie graskarsuppe og graskarbollar på bloggen, men i dag laga eg eit søtt og saftig graskarbrød. Eigentleg er det litt juks å kalle det brød. Det er meir som ei slags kake. Graskarbrødet smakar nydeleg med eit godt lag til smør på, akkopagnert av eit glas kald mjølk. Herleg kveldsmat om du har lyst til å vere litt usunn, eller super som kaffimat. I denne oppskrifta har eg brukt sylta graskar i ingefærlake, men kokt graskar fungerer sikkert også fint.


2 koppar mjøl

1 kopp sukker

1 teskei bakepulver

1 teskei kanel

1 teskei kardemomme

1/2 teskei salt


2 koppar kokt eller sylta graskar

2 egg

1/2 kopp olje

1/2 kopp vatn

1/2 kopp valnøtter

* Ta av skalet og skjer graskaret i bitar.

* Kok det til det er mørt.

* Bruk eventuelt sylta graskar.

* Sett ovnen på 180 grader.

* Bland saman alt det tørre ei ein bolle.

* Mos graskaret i foodprosessor eller med ein potetmosar (ein slik du lagar potetmos med).

* Bland graskar, egg, olje og vatn i ein annan bolle.

* Hakk nøttene og bland dei inn i graskarblandinga.

* Bland det tørre og det våte forsiktig saman til du får ei deig.

* Smør ei lita brødform.

* Ha deigen i brødforma.

* Steik det i cirka 45 minuttar.¨

* Dekk over med bakepapir dersom der er på veg til å brenne seg.

* Sjekk at brødet er gjennomsteikt.

* Ha det ut av ovnen og ut av brødforma og over på ei rist.

* Servér ferskt med eit godt lag smør på.

  • Comments(0)//veggis.samaraga.com/#post118

Kjøp Matmisjonen på nett!

MatmisjonenPosted by Mari-Louise Uldbæk Stephan 04 Oct, 2012 12:24

Kokeboka "Matmisjonen - ekte mat fra ti bloggere" som Veggisbloggen er med i, er no å få kjøpt i mange av landets bokhandlarar. Men bur du i grisgrendte strøk, eller av andre grunnar kunne tenke deg å bestille boka på nett, så kan du bruke linken her. Eg får litt provisjon av salget som går via denne linken, så det er sjølvsagt kjekt for meg også:-)

Ha ein strålande dag!



  • Comments(0)//veggis.samaraga.com/#post117

Thaiblomkålsuppe med kokosmjølk og søtpotet

Thai og vietnamesiskPosted by Mari-Louise Uldbæk Stephan 29 Sep, 2012 19:20
Blomkål er ei flott grønsak, men altfor ofte endar blomkålen opp i ei daff blomkålsuppe utan særleg smak. Det blomkål verkeleg bør brukast til, er krydra rettar med indisk eller thailandsk snert. I denne suppa har eg brukt søtpotet, currypaste, kokosmjølk og relativt mykje chili.



1 lauk

3 fedd kvitlauk

5 cm ingefær

2 søtpoteter

1 raud chili

1 teskei grøn currypaste


1 glas vatn

1 blomkål

100 gram haricots verts/brekkbønner

2 boksar kokosmjølk

2 spiseskeier sojasaus

1 spiseskei sukker

1/2 lime

salt

* Skjer opp lauk, kvitlauk, ingefær, søtpotet og chili.

* Steik det i en panne med litt olje på middels varme i ca. fem minuttar.

* Tilsett currypaste og kokosmjølk.

* La det putre til søtpotetbitane blir møre.

* Bland suppa i foodprosessor til du får ei jevn blanding.

* Skjer opp blomkålen i små bukettar.

* Hell suppa tilbake i panna.

* Tilsett blomkål, brekkbønner og vatn.

* Bland inn sukker, salt, lime og sojasaus.

* Smak på sausen og tilsett eventuelt litt meir salt eller sojasaus.

* La suppa putre til blomkålen er mør.

  • Comments(2)//veggis.samaraga.com/#post116

Gulrotsuppe med appelsin

SupperPosted by Mari-Louise Uldbæk Stephan 26 Sep, 2012 19:36

Krema supper med ein rømmeklatt på toppen smakar nydeleg når det er kaldt og haustleg ute. For å gjere denne gulrotsuppa mettande og god har eg også tilsatt linser og cashewnøtter.

500 gram gulrøter

olje

1 1/2 dl appelsinjuice

1 liter grønsaksbuljong

1 liten lauk

1 pakke blautlagde grøne linser (380 gram)

2 teskeier tørka timian

salt og pepar

rømme

cashewnøtter

fersk timian

* Skrell gulrøtene og skjer dei i tynne skiver.

* Steik gulrøtene i olje i ti minuttar.

* Tilsett lauk og la det putre i fem minuttar.

* Tilsett linser, buljongvatn og appelsinjuice.

* La det koke opp, skru så ned varmen og la det putre i 15 minuttar eller til gulrøtene blir møre.

* Ha i timian, salt og pepar.

* Bland i foodprosessor og varm opp igjen.

* Ha i ein klatt rømme, litt fersk timian og ei spiseskei cashewnøtter i kvar bolle.

  • Comments(0)//veggis.samaraga.com/#post115
Next »